Naxçıvan gəncləri Anım Günü ilə əlaqədar yürüş keçiriblər - VİDEO
Bu gün 27 sentyabr-Anım Günü ilə əlaqədar gənclərin Heydər Əliyev Muzeyinin qarşısından başlayaraq Şəhidlər Xiyabanına yürüşü təşkil edilib.
Naxçıvan şəhərində 27 sentyabr-Anım Gününə həsr olunan yürüşdə Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin üzvləri, tələbələr, məkətblilər, Heydər Əliyev adına Hərbi Liseyin kursantları, fəal gənclər və könüllülər, idarə və müəssisələrdə çalışan gənc əməkdaşlar iştirak edib. Heydər Əliyev Muzeyinin qarşısından başlayan yürüşün iştirakçıları Naxçıvan şəhər qəbiristanlığında şəhidlərimizin məzarlarını və Şəhidlər Xiyabanını ziyarət ediblər.
Anım günü ilə əlaqədar muxtar respublikanın rayonlarında da gənclərin yürüşü təşkil edilib.
Naxçıvan televiziyasının əməkdaşları mövzu ilə bağlı videomaterial hazırlayıblar.
NUHÇIXAN İnformasiya Agentliyi həmin videomaterialı təqdim edir: