İspaniya La Liqası: “Real Madrid” cari mövsümdə ilk dəfə məğlub olub

Oktyabrın 3-də futbol üzrə İspaniya La Liqasının 8-ci turunun növbəti oyunu keçirilib.

NUHÇIXAN İnformasiya Agentliyi xəbər verir ki, “Kornelya” stadionunda keçirilən görüşdə “Espanyol” klubu “Real Madrid” komandasını qəbul edib.

Gərgin keçən görüş gözlənilmədən meydan sahiblərinin xeyrinə başa çatıb - 2:1. “Espanyol”un heyətində Raul de Tomas (17), Aleix Vidal (60), “Real Madrid”də isə Kərim Benzema (71) fərqləniblər.

Qələbə sayəsində xallarının sayını 9-a çatdıran "Espanyol" onuncu pilləyə yüksəlib. "Real Madrid" məğlub olmağına baxmayaraq, 17 xalla La Liqanın lideridir.