“Qarabağ” - “Kayrat” oyunu Tofiq Bəhramov adına Respublika Stadionunda keçiriləcək
“Qarabağ”ın UEFA Konfrans Liqasının qrup mərhələsinin üçüncü turunda “Kayrat”a (Qazaxıstan) qarşı keçirəcəyi ev oyununun stadionu məlum olub.
NUHÇIXAN İnformasiya Agentliyi xəbər verir ki, bu barədə UEFA-nın mətbuat xidməti məlumat yayıb. Oktyabrın 21-də keçiriləcək qarşılaşma Tofiq Bəhramov adına Respublika Stadionunda keçiriləcək. Oyun saat 20:45-də başlayacaq.
“Qarabağ” Konfrans Liqasının H qrupunda 4 xalla liderdir. Ağdam təmsilçisi qrupda “Kayrat”la yanaşı, “Bazel” (İsveçrə) və “Omoniya” (Kipr) ilə mübarizə aparır.