“Qalatasaray” ötən mövsüm Superliqanın bombardiri olan hücumçusu ilə yollarını ayırıb

İstanbulun “Qalatasaray” futbol klubu hücumçusu Bafetimbi Qomis ilə yollarını ayırıb.

NUHÇIXAN xəbər verir ki, fransalı oyunçu Səudiyyə Ərəbistanının “Əl-Hilal” klubuna transfer olunub. Bu barədə hər iki klubun saytında məlumat verilib.

Futbolçu yeni klubu ilə üç illik müqaviləyə imza atıb. Səudiyyə Ərəbistanı təmsilçisi bu transferə görə İstanbul klubuna 6 milyon avro ödəyəcək. Futbolçu özü isə ildə 8 milyon avro maaş alacaq.

Qeyd edək ki, B.Qomis “Qalatarasay”a ötən mövsüm İngiltərənin “Suonsi” klubundan transfer edilib. Fransa millisinin sabiq üzvü ötən mövsüm 29 qol vuraraq Superliqanın bombardiri olub.