“Böyük dəbilqə” turnirində cüdoçularımızın rəqibləri müəyyənləşib

Oktyabrın 16-da Parisdə start götürəcək “Böyük dəbilqə” turnirində cüdoçularımızın rəqibləri müəyyənləşib.

NUHÇIXAN İnformasiya Agentliyi xəbər verir ki, yarışda kişilər arasında startda Balabəy Ağayev (60 kq) Jolan Florimont (Fransa), İbrahim Əliyev Xuan Ernandes (Kolumbiya), İsmayıl İbrahimov (hər ikisi 66 kq) Robin Korrado (Fransa), Telman Vəliyev David Lima (Braziliya), Hidayət Heydərov (hər ikisi 73 kq) Enzo Gibelli (Fransa), Murad Fətiyev (81 kq) Şeyx Dabonne (Kot-d'İvuar) - Tim Qramkov (Almaniya) cütünün qalibi, Məmmədəli Mehdiyev (90 kq) Rumenige İppet (Konqo) - Aleksis Mathieu (Fransa) cütünün qalibi və Uşangi Kokauri (+100 kq) Emre Sanal (Türkiyə) ilə mübarizə aparacaqlar.

Qadınların yarışında isə ilk mərhələdə İçinxorloo Münxtsedevin (57 kq) rəqibi Seija Ballhouse (Almaniya) olacaq.

Turnir oktyabrın 17-dək davam edəcək.