Millimizin Avropa çempionatının final mərhələsindəki oyunlarının təqvimi açıqlanıb
Gələn il yanvarın 19-dan fevralın 6-dək Niderlandda keçiriləcək futzal üzrə Avropa çempionatının final mərhələsində iştirak edəcək Azərbaycan millisinin yer aldığı “D” qrupunun təqvimi müəyyənləşib.
NUHÇIXAN İnformasiya Agentliyi Azərbaycan Futzal Federasiyasına istinadla xəbər verir ki, millimiz mübarizəyə yanvarın 22-də start verəcək. Yığmamızın ilk rəqibi Gürcüstan seçməsi olacaq. Futzalçılarımız yanvarın 26-da İspaniya, üç gün sonra isə Bosniya və Herseqovina komandası ilə üz-üzə gələcəklər.
Millimizin oyunları Qroningen şəhərində keçiriləcək.