"Naxçıvanı kəşf et" layihəsinə start verilib

NUHÇIXAN İnformasiya Agentliyi xəbər verir ki, Naxçıvan Muxtar Respublikasının Gənclər Fondu tərəfindən başladılmış layihə ölkənin digər regionlarından muxtar respublikada təhsil alan tələbələrin Naxçıvan ilə bağlı biliklərinin artırılmasına, Naxçıvanın görkəmli şəxsiyyətlərinin, tarixinin, mədəniyyət abidələrinin, muzeylərinin, milli adət və ənənələrinin tanıdılması məqsədinə xidmət edir. Layihəyə son qeydiyyat günü 10 noyabrdır.

“Əgər sən də Naxçıvanda tələbəsənsə və Naxçıvanı bizimlə birgə kəşf etmək istəyirsənsə, elə indi müraciət et!”, – deyə Fond tələbələri layihəyə qoşulmağa dəvət edir.

Qeydiyyatdan keçmək istəyənlər bu linkə daxil ola bilərlər.