"Barselona" Xavi ilə 4 illik müqavilə barədə razılığa gəlib
İspaniyanın "Barselona" futbol klubu baş məşqçi Xavi ilə 4 illik müqavilə barədə razılığa gəlib.
NUHÇIXAN İnformasiya Agentliyinin məlumatına görə, bu barədə "Mundo Deportivo" qəzeti xəbər verir.
Xatırladaq ki, Qətərin "Əl-Sadd" klubu komandanın baş məşqçisi Xavinin "Barselona"ya keçidinə razılıq verib.
Mənbənin məlumatına əsasən, Xavi "Barselona"nın baş məşqçisi kimi oktyabrın 8-i keçiriləcək mətbuat konfransı zamanı təqdim ediləcək.