Türkiyə və Naxçıvan alpinistlərinin iştirakı ilə Haçadağa "Zəfər yürüşü" təşkil edilib - FOTOLAR

Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki,11 nəfərlik alpinist qrupu Azərbaycan Ordusunun əldə etdiyi şanlı qələbənin ildönümü münasibətilə Culfa rayonu ərazisindəki hündürlüyü 2 min 415 metr olan Haçadağa yürüş təşkil edilib. Yürüş Nazirlik ilə Hava və Ekstremal İdman Növləri Federasiyası tərəfindən birgə təşkil edilib. Federasiyanın idmançıları da qardaş ölkə alpinistlərinə qoşularaq zirvəyə dırmanıblar. 

Yürüşə Culfa rayonunun Gal kəndindən başlanılıb. Dağın zirvəsinə çatan yürüş iştirakçıları 44 günlük Vətən müharibəsində şəhid olan qəhrəman hərbçilərimizin xatirəsini yad edib, posterlər açıb, sonra iki ölkənin dövlət bayraqlarını dalğalandırıblar.

Yürüşdən sonra alpinistlərə fəxri fərman və xatirə plaketi verilib.