PSJ Benzemanı almaq istəyir
İspaniyanın "Real Madrid" komandasının hücumçusu Kərim Benzema karyerasını Fransada davam etdirə bilər.
NUHÇIXAN İnformasiya Agentliyi xəbər verir ki, bu barədə "Fichajes" məlumat yayıb.
Mənbənin məlumatına görə, “Pari Sen-Jermen” (PSJ) klubu 33 yaşlı fransalıya iddialıdır. Qeyd olunur ki, parislilər hücumçunu 2022-ci ilin yayında almaq istəyir. Futbolçunun “Real Madrid”lə müqaviləsi 2023-cü ilin iyununda başa çatacaq.
Benzema bu mövsüm “Real Madrid”in heyətində 15 oyun keçirib, 14 qol vurub və 6 məhsuldar ötürmə edib.