Əcnəbi tələbələr Şahbuza ekskursiya ediblər - FOTOLAR
Naxçıvan Muxtar Respublikasında 10-17 Noyabr – Beynəlxalq Tələbə Gənclər Həftəsi ilə bağlı təsdiq olunan tədbirlər planına uyğun olaraq ali təhsil müəssisələrinin əcnəbi tələbələri üçün Şahbuz rayonunda yerləşən turizm əhəmiyyətli məkanlara ekskursiya təşkil olunub.
Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, muxtar respublikanın turizm potensialı, xalqımızın milli adət-ənənələri və zəngin mədəniyyət irsinin tanıdılması, tarixi gerçəkliklərin təbliği, o cümlədən ictimai-siyasi şəxsiyyətlərin həyat və yaradıcılığının öyrənilməsi kimi önəmli funksiyalar daşıyan ekskursiyada 25 tələbə iştirak edib.
Naxçıvan MR Gənclər və İdman Nazirliyi, Gənclər Fondu və YAP Naxçıvan Muxtar Respublika Təşkilatının İcra Katibliyi tərəfindən təşkil olunan ekskursiya çərçivəsində qonaqlar Şahbuz Rayon Tarix-Diyarşünaslıq Muzeyi, Şahbuz Dövlət Təbiət Qoruğu, Batabat Astrofizika Rəsədxanası və Ağbulaq İstirahət Mərkəzində olublar.
Ekskursiyada iştirak edən gənclər sosial şəbəkələrdə paylaşım məqsədilə fotolar, xatirə şəkilləri çəkiblər. Gəzinti Ağbulaq İstirahət Mərkəzində təşkil olunan çay süfrəsi və kanat gəzintisi ilə yekunlaşıb