Naxçıvan Muxtar Respublikası Basketbol Federasiyasının rəsmi internet saytı yenilənib - FOTOLAR

NUHÇIXAN İnformasiya Agentliyi xəbər verir ki, Naxçıvan Muxtar Respublikası Basketbol Federasiyasının rəsmi internet saytı (nbf.nsu.edu.az) müasir proqram təminatı və tərtib olunmuş alqoritm əsasında yenidən hazırlanaraq istifadəyə  verilib. 

Təqdimat mərasimində bildirilib ki, dizayn baxımından müasir tələblərə uyğunlaşdırılan saytda funksionallıq artırılıb və  yeni modullar əlavə edilib. Həmçinin saytın mobil versiyası da hazırlanıb. Yeni sayt “Ana səhifə”, “Haqqımızda”, “Qalereya”, “Yarış və nailiyyətlər”, “Rəhbərlik”, “Xəbərlər”, “Əlaqə”  bölməsi olmaqla ümumilikdə 7 bölmədən ibarətdir. “Xəbərlər”  bölməsində federasiyanın keçirdiyi tədbirlər və idman yarışlarına dair xəbərləri  izləmək mümkündür. Vurğulanıb ki, “Yarış və nailiyyətlər” bölməsində keçirilən yarışlar və qazanılan nailiyyətlərlə, “Qalereya” bölməsində keçirilən yarışların fotoşəkilləri ilə tanış olmaq olar. Sual və təklifləri ünvanlamaq üçün isə “Əlaqə”  bölməsindən istifadə edilə bilər. 

Sonra Naxçıvan Dövlət Televiziyasının hazırladığı “Kim sevirsə idmanı” verilişi təqdim olunub.

Səadət Əliyeva