Karate üzrə dünya çempionatı: Bu gün fərdi kata və komandaların kumite yarışları keçirilir
Birləşmiş Ərəb Əmirliklərinin Dubay şəhərində start götürən karate üzrə dünya çempionatının fərdi kumite yarışlarının ilkin mərhələsinin görüşləri başa çatıb.
NUHÇIXAN İnformasiya Agentliyi xəbər verir ki, noyabrın 18-də fərdi kata və komandaların kumite yarışları və bütün çəkilərdə təsəlliverici görüşlər keçirilir.
Qeyd edək ki, turnirin birinci günündə karateçilərimizdən İrina Zaretska (68 kq) finala yüksəlib, Asiman Qurbanlı (+84 kq) isə bürünc medal görüşünə vəsiqə qazanıb. Yarışın ikinci günündə isə karateçilərimiz mükafatçılar sırasına düşə bilməyiblər.
Dünya çempionatında Azərbaycanı 17 karateçi təmsil edir.
Yarış noyabrın 21-dək davam edəcək.