Azərbaycan şahmatçıları Türkiyədə beynəlxalq turnirdə liderlər qrupunda mübarizə aparırlar
Azərbaycan şahmatçıları Türkiyənin Mersin şəhərində keçirilən beynəlxalq turnirdə uğurla çıxış edirlər.
NUHÇIXAN İnformasiya Agentliyi xəbər verir ki, turnirin B kateqoriyalı yarışında təmsilçilərimizdən İlyas Qarayev altı turdan 5,5 xal toplayaraq liderlər qrupunda yer alıb. Digər şahmatçılarımızdan Xatun Bağırova, Seyid Hüseyn liderdən yarım xal geri qalırlar.
A kateqoriyalı yarışda isə Misrətdin İsgəndərov 4,5 xalla 2-12-ci yerləri bölüşür.
Doqquz turdan ibarət turnir İsveçrə sistemi üzrə keçirilir.