Naxçıvan paralimpiyaçısı Avropa çempionatında - FOTOLAR

Azərbaycan Respublikası Milli Paralimpiya Komitəsinin boccia idman növü üzrə milli komandasının üzvləri baş məşqçi İlham Məhərrəmovun rəhbərliyi altında İspaniyanın Sevilya şəhərində keçirilən Avropa Açıq çempionatında iştirak etmək üçün yola düşüblər. Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, qitə çempionatında iştirak edəcək milli komandanın tərkibinə Naxçıvan Paralimpiya Federasiyasının idmançısı Qafqaz Hüseynov da cəlb olunub.

Qeyd edək ki, 22 noyabr – 1 dekabr tarixlərini əhatə edən çempionat Paris 2024 XVII Yay Paralimpiya Oyunlarına lisenziya xalı qazandırır.