Beynəlxalq Könüllülər Günü ilə bağlı tədbirlərə start verilib - FOTOLAR

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, Naxçıvan Atıcılıq Mərkəzində 5 Dekabr – Beynəlxalq Könüllülər Günü ilə əlaqədar  könüllü gənclərin iştirakı ilə peyntbol birinciliyi keçirilib.  Nazirlik və Naxçıvan Atıcılıq Federasiyasının birgə təşkilatçılığı ilə reallaşan yarışda 4 komanda mübarizə aparıb. 

İştirakçılar mərkəzin təlimatçıları tərəfindən təhlükəsizlik qaydaları ilə bağlı məlumatlandırıldıqdan sonra mübarizəyə start verilib. Olimpiya sisteminə əsasən qalibin müəyyənləşdiyi yarışda “Gəncəsər” komandası qalib olub. 

Qeyd edək ki, dekabrın 4-də könüllü gənclərlə görüş nəzərdə tutulub. Həmin tədbirdə Beynəlxalq Könüllülər Günü ilə bağlı keçirilən idman yarışlarının mükafatlandırılması da olacaq.