“Qalatasaray” hücumçusu ilə yeni 5 illik müqavilə imzalayıb
“Qalatasaray” hücumçusu Kerem Aktürkoğlu ilə müqaviləsini yeniləyib.
NUHÇIXAN İnformasiya Agentliyi xəbər verir ki, bu barədə İstanbul təmsilçisi rəsmi saytı vasitəsilə məlumat yayıb.
Bildirilib ki, sözləşməsi ilin sonuna qədər olan 23 yaşlı forvardla yeni 5 illik saziş imzalanıb. Anlaşmaya əsasən, Türkiyə millisinin üzvü 2026-cı ilin sonuna qədər “cim-bom”a məxsus olacaq.
Qeyd edək ki, Kerem Aktürkoğlu “Qalatasaray”a ötən ilin yayında “24 Erzincanspor”dan keçib.