UEFA reytinqi: Azərbaycanın cari mövsüm üçün mövqeyi açıqlanıb
Avropa ölkələrinin 2021/2022 mövsümü üçün UEFA reytinqindəki mövqeyi açıqlanıb.
NUHÇIXAN İnformasiya Agentliyi "Footboom" nəşrinə istinadən xəbər verir ki, Azərbaycan hazırda 3,875 xalla 22-ci pillədə qərarlaşıb.
Hesablama zamanı ölkə təmsilçilərinin avrokuboklarda qrup mərhələsinin V turunadək olan nəticələri nəzərə alınıb.
Azərbaycan bu mövsümdəki göstəricilərinə görə ümumi reytinqdə özündən xeyli irəlidə olan Şotlandiya, Rusiya və Ukrayna kimi ölkələri qabaqlayıb.
Qeyd edək ki, ilk "üçlük"də Niderland (9,400), İngiltərə (8,285) və Fransa (7,916) qərarlaşıb.