Basketbol üzrə klublararası muxtar respublika birinciliyinə start verilib - FOTOLAR
Naxçıvan Dövlət Universitetinin İdman Kompleksində ümumtəhsil məktəblərinin oğlanlardan ibarət klubları (VIII-XI siniflər) arasında muxtar respublika birinciliyi keçirilir.
Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, yarışa şəhər və rayonlardan ümumilikdə 8 komanda qatılıb. Olimpiya sisteminə əsasən qalib və mükafatçıların məlum olacağı mübarizədə bu gün ilk görüşlər keçirilib. Sabah üçüncülük və final qarşılaşmaları ilə birinciliyə yekun vurulacaq.
Gənclər və İdman, Təhsil nazirlikləri və Naxçıvan Basketbol Federasiyası tərəfindən birgə təşkil olunan birincilik muxtar respublikada basketbolun inkişafı, idmançıların yarış təcrübəsinin artırılması və istedadlı oyunçuların müəyyənləşdirilərək yığma komandaya cəlb edilməsi məqsədi daşıyır.