“Naxçıvan Premium Turnir”ində 4-cü tur
“Naxçıvan Premium Turnir”ində mübarizə davam edir. NUHÇIXAN İnformasiya Agentliyi xəbər verir ki, yarışda 4-cü turun oyunlarına yekun vurulub.
Turnirin bu mərhələsində beynəlxalq usta Talıb Babayev-fide ustası Nəsrin Babayeva, İlkin Qəbulov-Sadiq Məmmədov, beynəlxalq usta Toğrul Həsənzadə-Rza Həsənli, Ayxan Əliyev-beynəlxalq usta Pərviz Qasımov, Nazlı Hümbətova-Sadiq Qarayev və Hüseyn Seyid-beynəlxalq qrosmeyster Urfan Sevdimalıyev cütlükləri qarşılaşıb.
Gərgin və bir o qədər də maraqlı duellərin sonunda beynəlxalq qrosmeyster Urfan Sevdimalıyev, Sadiq Qarayev, Sadiq Məmmədov, eləcə də beynəlxalq ustalar Toğrul Həsənzadə, Talıb Babayev və Pərviz Qasımov qələbə qazanan tərəf olublar.
Qeyd edək ki, yarış 14-25 yanvar tarixlərini əhatə edir. Turnirdəki sıralamadan asılı olaraq iştirakçıların hər birinə pul mükafatı təqdim olunacaq.
Azər Zeynalov