Naxçıvan Kikboksinq Federasiyasının yetirməsi Etibar Qəribov növbəti peşəkar döyüşündə qələbə qazanıb - VİDEO

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə verilən məlumata görə, Naxçıvan Kikboksinq Federasiyasının yetirməsi Etibar Qəribov qardaş ölkədə təşkil olunan peşəkar kikboksçuların “Həkimoğlu Döyüş Arenası” turnirində iştirak edib. Türkiyənin TV8.5 telekanalı vasitəsilə canlı yayımlanan yarış İstanbul şəhərindəki Yəhya Kamal Bəyatlı Mədəniyyət Mərkəzində keçirilib.

“Qasırğa” ləqəbli idmançımızın rəqibi qardaş ölkə təmsilçisi Suat Gürhan olub. Üstün döyüş nümayiş etdirən Etibar Qəribov hakimlərin ümumi qərarı ilə 3:0 hesablı qələbə əldə edib. İdmançımıza turnirin kuboku təqdim edilib.    

Qeyd edək ki, idmançımız peşəkar karyerasında ümumilikdə 11 görüş keçirib və sonuncu qələbə sayca 8-cidir.