Azərbaycan millisi Belarusda beynəlxalq turnirdə mübarizə aparacaq
On yeddi yaşadək futbolçulardan ibarət Azərbaycan yığması beynəlxalq turnirdə mübarizə aparacaq.
NUHÇIXAN İnformasiya Agentliyi Belarus Futbol Federasiyasının rəsmi saytına istinadla xəbər verir ki, millimiz də daxil olmaqla, fevralın 6-13-də 10 komandanın iştirakı ilə gənclər arasında 18-ci beynəlxalq turnir təşkil olunacaq.
Minskdə keçiriləcək yarışda yığmamızla yanaşı, İsrail, Qazaxıstan, Moldova, Gürcüstan, Tacikistan, Qırğızıstan, Özbəkistan, həmçinin Belarusun U-17 və U-16 komandaları çıxış edəcəklər.