Futbol üzrə klublararası dünya çempionatının finalçıları müəyyənləşib
Birləşmiş Ərəb Əmirliklərinin (BƏƏ) paytaxtı Əbu-Dabidə keçirilən futbol üzrə klublararası dünya çempionatının finalçıları müəyyənləşib.
NUHÇIXAN İnformasiya Agentliyi xəbər verir ki, ikinci yarımfinal oyununda Səudiyyə Ərəbistanının "Əl-Hilal" komandasını 1:0 hesabı ilə məğlub edən İngiltərənin "Çelsi" klubu finala yüksəlib.
Həlledici görüşdə "Çelsi" Braziliyanın “Palmeyras” komandası ilə üz-üzə gələcək. Üçüncü yer uğrunda matçda isə "Əl-Hilal" "Misirin "Əl-Əhli" klubu ilə qarşılaşacaq.
Hər iki görüş fevralın 12-də təşkil olunacaq.
Çempionatın hazırkı qalibi Almaniyanın “Bavariya” komandasıdır.