Şahmatçımız Abdulla Qədimbəyli Serbiyada beynəlxalq turnirdə liderliyə yüksəlib
Serbiyanın Novi Sad şəhərində şahmat üzrə beynəlxalq turnir davam edir.
NUHÇIXAN İnformasiya Agentliyi xəbər verir ki, Azərbaycan təmsilçisi Abdulla Qədimbəyli turnirdə liderliyə yüksəlib. Belə ki, şahmatçımız 4 turun nəticəsinə görə, 3 xalla birinci pillədə qərarlaşıb.
İsveçrə sistemi üzrə keçirilən turnir 9 turdan ibarət olacaq. Yarışda 16 şahmatçı iştirak edir ki, onlardan da 7-si qrosmeysterdir.
Turnir fevralın 13-dək davam edəcək.