Kərim Benzema Fransa futbolunda tarixi nailiyyətə imza atıb
İspaniyanın "Real Madrid" komandasının futbolçusu Kərim Benzema Fransa futbol tarixinin bombardiri olub.
NUHÇIXAN İnformasiya Agentliyi xəbər verir ki, Benzema İspaniya çempionatının "Malyorka" ilə oyununda dubl edib. Qarşılaşmada onun komandası 3:0 hesabı ilə qalib gəlib.
"Real Madrid"in hücumçusunun karyerasında 413 qolu var. Bu göstəricidə ikinci yeri 411 qolla artıq karyerasını başa vuran Tyeri Anri tutur.
Benzema 2009-cu ildən "Real Madrid"də çıxış edir. O, komandanın heyətində üç dəfə İspaniya çempionu olub, iki dəfə ölkə kubokunu, dörd dəfə Çempionlar Liqasını qazanıb.
Qeyd edək ki, Benzema 2004-2009-cu illərdə "Lion"da çıxış edib.