"Real Madrid" klubu "Sevilya"nı məğlub edərək çempionluğa yaxınlaşıb
Aprelin 17-də futbol üzrə XXXII turun oyunlarına yekun vurulub.
NUHÇIXAN İnformasiya Agentliyi xəbər verir ki, turun son oyunu "Roman Sançes-Pisxuan" stadionunda oynanılıb. "Sevilya" doğma azarkeşlər önündə lider "Real Madrid" komandasını qəbul edib.
Görüş madridlilərin 3:2 hesablı qələbəsi ilə başa çatıb.
"Real Madrid"in heyətində Rodriqo (50), Naço Fernandes (83), Kərim Benzema (90+2), "Sevilya"nın isə İvan Rakitiç (21) və Erik Lamela (25) fərqləniblər.
Bu qələbə sayəsində "Real Madrid" xal ehtiyatını 75-ə çatdıraraq liderliyini davam etdirir. Turnir cədvəlinin ikinci pilləsində 60 xalla "Barselona" yer alıb. Eyni xal toplayan "Sevilya" isə üçüncü yerdə qərarlaşıb.