“Real” və “Mançester Siti” arasındakı ilk matçda qol rekordu təkrarlanıb

Çempionlar Liqasının yarımfinal mərhələsində “Real” və “Mançester Siti” arasındakı ilk matçda qol rekordu təkrarlanıb.

NUHÇIXAN İnformasiya Agentliyi xəbər verir ki, İngiltərədə oynanılan qarşılaşmada qapılara ümumilikdə 7 qol vurulub. Nəticədə Çempionlar Liqasının yarımfinal mərhələsinin rekordu təkrarlanıb. İndiyədək 1995-ci ildə "Ayaks" - "Bavariya" (4:3), 2018-ci ildə isə "Liverpul" - "Roma" (5:2) görüşündə 7 qol qeydə alınıb.

Qeyd edək ki, "Mançester Siti" və "Real" arasında cavab matçı mayın 4-də Madriddə keçiriləcək. Görüş Bakı vaxtı ilə saat 23:00-da başlayacaq.