Bakıda Formula 1 üzrə dünya çempionatının səkkizinci mərhələsi – Azərbaycan Qran-Prisi başlayıb
Bakıda “Formula-1” üzrə Azərbaycan Qran-prisində ilk sərbəst yürüşə start verilib.
NUHÇIXAN İnformasiya Agentliyinin məlumatına görə, “Formula-2” pilotlarının ardınca “Formula-1” komandaları bolidlərini sınaqdan keçirməyə başlayıblar.
Saat 15:00-da start götürən birinci sərbəst yürüş bir saat çəkəcək. Komandalar saat 18:00-dan 19:00-dək ikinci sərbəst yürüşə qatılacaq.
Qeyd edək ki, Azərbaycan Qran-prisi iyunun 12-də başa çatacaq.