“Arsenal” klubu “Mançester Siti”nin hücumçusu Qabriel Jezusu heyətinə qatıb.
NUHÇIXAN İnformasiya Agentliyi xəbər verir ki, braziliyalı futbolçu yeni klubu ilə uzunmüddətli müqavilə imzalayıb.
“Arsenal” 25 yaşlı futbolçu üçün 45 milyon funt-sterlinq ödəyəcək, müqavilənin müddəti 2027-ci ilin iyun ayının sonunadəkdir.
Futbolçu 2021/2022-ci il mövsümündə “Mançester Siti”nin heyətində 41 matçda 13 qol vurub və 12 məhsuldar ötürmə edib. O, 2016-cı ildən “Mançester Siti”də çıxış edirdi.