Aydın Süleymanlı Serbiyada beynəlxalq turnirdə dördüncü yeri tutub
Serbiyanın Novi Sad şəhərində şahmat üzrə beynəlxalq turnir keçirilib.
NUHÇIXAN İnformasiya Agentliyi xəbər verir ki, yarışda iştirak edən şahmatçılarımızdan ən yaxşı nəticəni Aydın Süleymanlı göstərib. Azərbaycanlı qrosmeyster 9 turdan 7 xal toplayaraq 4-cü yeri tutub. Komandamızın digər üzvləri Məhəmməd Muradlı 6,5, Xəzər Babazadə, Ülvi Sadıqov 6, Read Səmədov, Ülviyyə Fətəliyeva 5,5 xal toplayıb.
İsveçrə sistemi üzrə keçirilən yarışın qalibi 8 xalla yunanıstanlı Evgenios İoannidis olub.