“Çelsi” klubu Kalidu Kulibalini transfer edib
İngiltərənin “Çelsi” klubu heyətini yeni futbolçu ilə gücləndirib.
NUHÇIXAN İnformasiya Agentliyi klubun saytına istinadla xəbər verir ki, London təmsilçisi Kalidu Kulibalini transfer edib. Otuz bir yaşlı müdafiəçi ilə dördillik müqavilə imzalanıb.
Qeyd edək ki, seneqallı futbolçunun sonuncu klubu “Napoli” olub. O, ötən mövsüm klubun heyətində bütün turnirlərdə 37 oyuna çıxıb, 3 qol vurub və 3 qolun ötürməsini edib.