Naxçıvan karateçiləri beynəlxalq yarışda 17 medal qazanıblar - FOTOLAR

Bakı İdman Sarayında 6-13 yaş arası uşaqlar arasında Olimpiya ümidləri-2022 beynəlxalq karate turniri keçirilib. Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, Naxçıvan Karate-do Federasiyasının 23 idmançısı turnirdə medallar uğrunda mübarizə aparıb. Adını mükafatçılar sırasına yazdıran 15 təmsilçimiz - Əli Bayramov, Ayxan Musayev, Sona Bağırova, Məhəmməd Quluzadə, Xədicə Bayramova, Yusif Orucov, Elşən Teymurzadə, Həmidə Əzizova birinci olublar. Digər idmançılarımız isə müxtəlif əyarlı medallar qazanıblar.

Bununla da Naxçıvan karateçiləri yarışı 9-u qızıl, 4-ü gümüş, 4-ü bürünc olmaqla, ümumilikdə 17 medalla tamamlayıblar.

Qeyd edək ki, Avropa Karate Federasiyasının təqvim planına daxil edilən yarışda Küveyt, Qazaxıstan, Özbəkistan, Litva, Amerika Birləşmiş Ştatları və Azərbaycandan olan idmançılar iştirak ediblər.