Ronaldu 20 ildən sonra Avropa Liqasının oyunları üçün sifariş olunub
İngiltərənin "Mançester Yunayted" klubu UEFA Avropa Liqasının oyunları üçün sifariş ərizəsini açıqlayıb.
NUHÇIXAN İnformasiya Agentliyinin məlumatına görə, siyahıya Kriştianu Ronaldunun da adı daxil edilib.
37 yaşlı oyunçu heyətdə yer alan 5 hücumçudan biridir.
"Qırmızı şeytanlar" qrup mərhələsində Kiprin "Omoniya", Moldovanın "Şerif" və İspaniyanın "Real Sosyedad" klubları ilə üz-üzə gələcək.
Qeyd edək ki, Kriştianu Ronaldu son olaraq, 2002/2003 mövsümündə Avropa Liqasında çıxış edib. Həmin vaxt turnir UEFA Kuboku adlanırdı və forvard Portuqaliya "Sportinq"inin formasını geyinirdi.