Azərbaycan Premyer Liqası: “Neftçi” komandası “Qəbələ”yə qalib gəlib

Azərbaycan Premyer Liqasında 6-cı tur davam edir.

NUHÇIXAN İnformasiya Agentliyi xəbər verir ki, əvvəlcə "Qəbələ" "Neftçi"ni qəbul edib. Oyunda hesabı meydan sahibləri açsa da, "Neftçi" 2:1 hesablı əzmkar qələbə qazanıb. Xallarını 15-ə çatdıran "Neftçi" turnir cədvəlində liderliyə yüksəlib.

Günün digər görüşündə "Zirə" "Səbail"in qonağı olub. Görüş "Zirə"nin 2:1 hesablı qələbəsi ilə başa çatıb.

Qeyd edək ki, turun açılış matçında "Turan Tovuz" evdə "Kəpəz"i 2:0 hesabı ilə məğlub edib. Tura sentyabrın 11-də keçiriləcək "Sumqayıt" - "Şamaxı" və "Qarabağ" - "Sabah" oyunları ilə yekun vurulacaq.