Dünya çempionatı: Hacı Əliyev yarımfinalda məğlub olub

Azərbaycanın titullu sərbəst güləşçisi Hacı Əliyev Serbiyanın paytaxtı Belqradda keçirilən dünya çempionatında finala yüksələ bilməyib.

NUHÇIXAN İnformasiya Agentliyinin məlumatına görə, 65 kq çəki dərəcəsində çıxış edən 3 qat dünya və 3 qat Avropa çempionu yarımfinalda Rəhman Amuzadxəliliyə (İran) uduzub.

Əliyev sabah bürünc medal uğrunda qarşılaşmaya qatılacaq.

61 kq-dakı İslam Bazarqanovun 1/8 finalda uduzduğu Reza Ahmadali Atreqanarçi (İran) finala yüksəldiyindən Azərbaycan təmsilçisi təsəlliverici görüşdə iştirak hüququ əldə edib.