Kriştiano Ronaldo klub karyerası ərzində 700-cü qolunu vurub
“Mançester Yunayted”in futbolçusu Kriştiano Ronaldo klub karyerası ərzində 700-cü qolunu vurub.
NUHÇIXAN İnformasiya Agentliyi xəbər verir ki, 37 yaşlı hücumçu buna İngiltərə Premyer Liqasının 10-cu turunda “Everton”la görüşdə (2:1) imza atıb. Ronaldonun 700 qol vurması üçün 20 il 2 gün lazım olub.
Portuqaliyalı forvard 700 qoldan 450-ni "Real"da, 144-nü "Mançester Ynayted"də, 101-ni "Yuventus"da, 5-ni isə "Sportinq"də vurub.
Qeyd edək ki, Ronaldo 2021-ci ilin yayından Mançester təmsilçisinin formasını geyinir. O, 2003-2006-cı illərdə də bu komandada oynayıb.