UEFA növbəti dəfə "Qarabağ"ı fərqləndirib
UEFA Avropa Liqasının qrup mərhələsində iştirak edən və formada olan komandaların siyahısı yenilənib.
NUHÇIXAN İnformasiya Agentliyi yarışın rəsmi tviter hesabına istinadən xəbər verir ki, "10-luq"da Azərbaycan təmsilçisi "Qarabağ" da yer alıb.
Son 5 matçda qələbə qazanan "köhlən atlar" ilk "4-lük"də göstərilib.
Siyahı yerli çempionat və Avropa Liqasının nəticələrinə əsasən tərtib olunub. "Köhlən atlar" keçirdiyi son 5 qarşılaşmanın hamısında qalibiyyət əldə edib.
Qeyd edək ki, "Qarabağ" oktyabrın 13-də Bakıda Yunanıstan "Olimpiakos"unu qəbul edəcək.