“Barselona”nın futbolçusu Usman Dembele klubun tarixinə düşüb

İspaniyanın “Barselona” komandasının futbolçusu Usman Dembele klubun tarixinə düşüb.

NUHÇIXAN İnformasiya Agentliyi Kataloniya təmsilçisinin mətbuat xidmətinə istinadən xəbər verir ki, fransalı hücumçu La Liqanın 11-ci turunda “Atletik”i 4:0 hesabı ilə məğlub etdikləri maçda yubiley qoluna imza atıb.

Oyunun 12-ci dəqiqəsində hesabı açan forvard “Barselona”nın çempionatdakı 4000-ci qolunu vurub.

Qeyd edək ki, futbolçu 2017-ci ildən “Barselona”da çıxış edir. O, bu mövsüm La Liqada 11 oyuna 3 qol vurub, 5 məhsuldar ötürmə edib.