UEFA Çempionlar Liqasında qrup mərhələsinin bombardirləri müəyyənləşib
UEFA Çempionlar Liqasında qrup mərhələsinin bombardirləri bəlli olub.
NUHÇIXAN İnformasiya Agentliyi xəbər verir ki, Fransanın PSJ klubundan Kilian Mbappe və İngiltərənin "Liverpul" komandasından Məhəmməd Salah hərəyə 7 qolla ilk sırada qərarlaşıblar.
"Mançester Siti"dən (İngiltərə) Erlinq Holann, “Barselona”dan (İspaniya) Robert Levandovski və “Portu”dan (Portuqaliya) Mehdi Taremi 5 dəfə rəqib qapısına yol tapıblar.
Qeyd edək ki, Çempionlar Liqasında səkkizdəbir final mərhələsinin püşkü noyabrın 7-də atılacaq.