“Yeni Malatyaspor" klubu Yılmaz Vurala həvalə olunub
Türkiyənin Birinci liqasında mübarizə aparan "Yeni Malatyaspor"un baş məşqçisi müəyyənləşib.
NUHÇIXAN İnformasiya Agentliyi xəbər verir ki, Malatya təmsilçisini Yılmaz Vural çalışdıracaq. Altmış doqquz yaşlı mütəxəssislə mövsümün sonunadək müqavilə imzalanıb.
"Yeni Malatyaspor" Birinci liqada 15 xalla 19 komanda arasında 16-cı pillədə qərarlaşıb.
Qeyd edək ki, Türkiyədə bir çox klubda çalışmış Yılmaz Vuralın son iş yeri "Erzurumspor" olub.