“Qarabağ” klubu Türkiyəyə yollanıb
Ağdamın “Qarabağ” klubu Türkiyəyə yollanıb.
NUHÇIXAN İnformasiya Agentliyi kluba istinadla xəbər verir ki, Ağdam təmsilçisi qış təlim-məşq toplanışı üçün Antalyaya yola düşüb.
“Qarabağ” Antalyada 3 yoldaşlıq oyununda gücünü sınayacaq. Son ölkə çempionu yanvarın 13-də Polşanın "Rakuv" klubu ilə üz-üzə gələcək. "Qarabağ" yanvarın 18-də iki görüş keçirəcək. Əvvəlcə Serbiya "Çukariçki"si ilə qarşılaşacaq kollektiv ardınca Polşanın digər təmsilçisi "Poqon"u sınağa çəkəcək.
Təlim-məşq toplanışı yanvarın 23-dək davam edəcək.