“Real Madrid” futbolçusu Dani Sebalos ilə müqaviləni yeniləmək niyyətindədir
“Real Madrid” klubu futbolçusu Dani Sebalos ilə müqaviləni yeniləmək niyyətindədir.
NUHÇIXAN İnformasiya Agentliyi “Marca” nəşrinə istinadla xəbər verir ki, Madrid klubunun rəhbərliyi artıq 26 yaşlı yarımmüdafiəçini bu barədə məlumatlandırıb.
Daha əvvəl Sebalosun da Madrid klubu ilə müqaviləni uzatmaq istədiyi bildirilib.
2017-ci ildə “Real Madrid”ə keçən yarımmüdafiəçi 2019-2021-ci illərdə icarə əsasında “Arsenal”da çıxış edib.
Cari mövsüm 26 yaşlı ispaniyalı futbolçu bütün turnirlərdə 20 oyuna çıxıb, bir qol vurub və dörd məhsuldar ötürmə ilə yadda qalıb.