Bu gün Azərbaycan Premyer Liqasında XXIII turun daha iki oyunu keçiriləcək
Bu gün Azərbaycan Premyer Liqasında XXIII turun daha iki oyunu keçiriləcək.
NUHÇIXAN İnformasiya Agentliyi xəbər verir ki, görüşlərdən biri Qəbələdə, digəri Bakıda olacaq.
Günün ilk qarşılaşmasında “Qəbələ” doğma meydanda “Sumqayıt”la üz-üzə gələcək. Hazırda Qəbələ komandası 28 xalla beşinci, Sumqayıt təmsilçisi isə 18 xalla yeddinci pillədə qərarlaşıb.
Komandalar indiyədək ölkə çempionatında öz aralarında 41 oyun keçiriblər. Bunların 23-ü meydan sahiblərinin, 5-i qonaqların xeyrinə başa çatıb. 13 qarşılaşmada qalib müəyyənləşməyib. “Qəbələ” son 5 oyunda qol vurub. “Sumqayıt” 6 matçdır qələbə qazanmır.
Günün digər matçı isə 45 xalla üçüncü yerdəki “Neftçi” ilə 16 xalla sonuncu olan “Səbail” arasında keçiriləcək.
İki komanda indiyədək Premyer Liqada 21 dəfə qarşılaşıb. Bunların 16-da paytaxt komandası, ikisində “Səbail” qələbə qazanıb. Üç matç isə heç-heçə ilə yekunlaşıb.
“Neftçi” son 10 görüşdə qalib gəlib. “Səbail” ardıcıl 14 qarşılaşmada qələbə qazana bilməyib.
Turun “Zirə” – “Qarabağ” və “Sabah” – “Turan Tovuz” matçları fevralın 19-da keçiriləcək.