Salah avrokuboklarda Cerrardın rekordunu qırıb

“Liverpul”un hücumçusu Məhəmməd Salah komandasının heyətində avrokuboklarda qolların sayına görə “qırmızılar”ın əfsanəvi kapitanı Stiven Cerrardın rekordunu qırıb.

NUHÇIXAN İnformasiya Agentliyi xəbər verir ki, “Real Madrid”ə qarşı oyunda misirli 42-ci qoluna imza atıb.

Beləliklə, 31 yaşlı forvard 41 qola sahib sabiq yarımmüdafiəçi S. Cerrardı geridə qoyub.

Xatırladaq ki, Çempionlar Liqasının 1/8 finalında İspaniyanın “Real Madrid” komandasına qarşı oynayan “Liverpul” öz meydanında 5:2 hesabı ilə məğlub olub. “Qırmızılar” oyunun ilk 14 dəqiqəsində “Kral klubu”nun torunu 2 dəfə silkləyə bilsə də, oyundakı üstünlüyünü qısa müddətdə itirib.