İbrahimoviç Azərbaycan millisi ilə oyunda əsas heyətdə çıxış etməyəcək

İsveç yığmasının futbolçusu Zlatan İbrahimoviç AVRO-2024-ün seçmə mərhələsində Azərbaycan millisi ilə oyunda əsas heyətdə çıxış etməyəcək.

NUHÇIXAN İnformasiya Agentliyi xəbər verir ki, bunu Skandinaviya təmsilçisinin baş məşqçisi Yanne Andersson deyib.

O bildirib ki, bir illik fasilədən sonra yığmaya dəvət edilən 42 yaşlı hücumçu qarşıdakı matçlarda ehtiyatda olacaq: “Mən onu start heyət üzvü kimi görmürəm. “Milan”da olduğu kimi, burada da əsasən əvəzetmədən meydana girmək imkanı olacaq”.

Qeyd edək ki, İsveç yığması martın 24-də Belçika, 27-də isə Azərbaycan millisini Solna şəhərində qəbul edəcək.