Konfrans Liqası: Son 3 mərhələnin püşkatma mərasimi keçiriləcək
Bu gün UEFA Konfrans Liqasında cari mövsümün sonuncu püşkü atılacaq.
NUHÇIXAN İnformasiya Agentliyinin məlumatına görə, Avropa futbol qurumunun Nyondakı mənzil-qərargahında keçiriləcək mərasim Bakı vaxtı ilə saat 17:00-da başlayacaq. Tədbirdə 1/4 və 1/2 final cütlükləri, həmçinin final matçının nominal meydan sahibi bəlli olacaq.
Əvvəlki mərhələlərdən fərqli olaraq, bu dəfə istənilən komanda bir-birilə rəqib ola biləcək.
1/4 final mərhələsinin ilk oyunları aprelin 13-də, cavab matçları bundan bir həftə sonra gerçəkləşəcək. Yarımfinal görüşləri mayın 11-i və 18-də olacaq.
Turnirin final görüşü isə iyunun 7-də Çexiyanın paytaxtı Praqadakı "Eden Arena"da keçiriləcək.
UEFA Konfrans Liqası
1/4 final
"Anderlext" (Belçika)
"AZ Alkmaar"
"Bazel" (İsveçrə)
"Fiorentina" (İtaliya)
"Nitsa" (Fransa)
"Vest Hem" (İngiltərə)
"Gent" (Belçika)
"Lex" (Polşa)