"Vorskla" - "Qarabağ" matçının hakimləri müəyyənləşib
"Qarabağ"ın UEFA Avropa Liqasının qrup mərhələsinin IV turunda Ukraynada "Vorskla" ilə keçirəcəyi oyunun bütün təyinatları müəyyənləşib.
NUHÇIXAN xəbər verir ki, qarşılaşmanı İsveçrədən olan hakimlər briqadası idarə edəcək. Baş hakim Sandro Şörerə yan xətt hakimləri Bekim Zoqay və Ştefan De Almeyda köməklik göstərəcəklər. Dördüncü hakim funksiyasını Raffael Tseder yerinə yetirəcək. Əlavə köməkçi hakimlər Alen Byeri və Lukas Fandrix olacaq. Almaniyalı Edqar Ştaynborn görüşün hakim-inspektoru, danimarkalı Klaus Kristensen isə UEFA nümayəndəsidir.
Qeyd edək ki, "Vorskla" "Qarabağ"ı noyabrın 8-də Poltavadakı Aleksey Butovski adına stadionda qəbul edəcək. Görüş Bakı vaxtı ilə saat 24:00-da başlanacaq.