Azərbaycan millisinin Türkiyə yığması ilə yoldaşlıq oyunları üçün heyəti açıqlanıb

Çimərlik futbolu üzrə Azərbaycan milli komandasının aprelin 30-dan mayın 7-dək Antalyada təlim-məşq toplanışı olacaq.

NUHÇIXAN İnformasiya Agentliyi AFFA-nın saytına istinadla xəbər verir ki, millimiz hazırlıq çərçivəsində Türkiyə yığması ilə üç yoldaşlıq oyunu keçirəcək.

Hazırlıq prosesinə qapıçılar - Elçin Qasımov, Vaqif Şirinbəyov, Rafiq Kərimov, oyunçular - Comərd Baxşəliyev, Elşad Manafov, Amid Nəzərov, Orxan Məmmədov, Fuad Hüseynov, Kamil Hüseynov, Bayram Paşazadə, İsa Zeynallı, Sabir Allahquliyev, Ramil Əliyev, Tural Qurbatov, Emil Həsənzadə və Kamran Qürbətov dəvət olunublar.