Çempionlar Liqası: “İnter” “Milan”ı məğlub edib
UEFA Çempionlar Liqasında yarımfinal mərhələsinin ilk oyunlarına yekun vurulub.
NUHÇIXAN İnformasiya Agentliyi xəbər verir ki, yarımfinal mərhələsinin ikinci matçında İtaliya "Milan"ı eyni şəhərin digər təmsilçisi "İnter"i qəbul edib. "San Siro" stadionundakı görüş qonaqların qələbəsi ilə başa çatıb. Hesabı 8-ci dəqiqədə Edin Ceko açıb. Cəmi 3 dəqiqə sonra Henrix Mxitaryan ikinci topu meydan sahiblərinin qapısından keçirib. Oyun bu hesabla da başa çatıb.
Komandalar arasında cavab qarşılaşması mayın 16-da olacaq.
Yarımfinalın ilk oyununda İspaniya "Real Madrid"i evdə İngiltərənin "Mançester Siti" klubu ilə 1:1 hesablı heç-heçə edib.