Jordi Alba mövsümün sonunda “Barselona”nı tərk edəcək
Jordi Alba mövsümün sonunda “Barselona”nı tərk edəcək.
NUHÇIXAN-ın məlumatına görə, bunu İspaniya klubunun mətbuat xidməti açıqlayıb.
34 yaşlı müdafiəçi növbəti mövsümdə də La Liqa klubunda oynamalı idi. Lakin tərəflərin qarşılıqlı razılığı ilə müqaviləyə xitam verilib.
Alba azad agent statusu alıb. “Barselona”nın yetirməsi 2012-ci ildən forma geyindiyi əsas komandada 11 il çıxış edib.
Qeyd edək ki, Alba Kataloniya təmsilçisində 458 oyun keçirib. Onun hesabında 27 qol və 99 məhsuldar ötürmə var.